"Ак мәчет"тә ифтарлар уза

Һәр елдагыча  быел да Чаллыда «Ак мәчеттә» ифтар мәҗлесләре үткәрелә. 19 июнь көнне 150 дән артык кеше өчен табын әзерләнде.  Мәҗлестә, гадәттәгечә, мәчет әһелләре һәм чакырылган кунаклар булалар. Мондый чаралар мөселманнарны берләштерә, ислам өммәтен ныгыта һәм әлбәттә, Аллаһ Тәгаләнең мәрхәмәтен, бәрәкәтен алып килә. Пәйгамбәребез саллаллаһу галәйһи вә сәлләм әйтте: «Кем ураза тотучыны ифтар кылдырса, ягъни авыз ачтырса, аңа ураза тотучының әҗере булыр, шулай ук ураза тотучының әҗере дә кимемәс».