РФ Мөселман эшмәкәрләре ассоциациясе Яшел Үзән районындагы ике мәчетне төзү һәм төзекләндерүгә акча җыеп бирде

РФ Мөселман эшмәкәрләре ассоциациясе Яшел Үзән районындагы ике мәчетне төзү һәм төзекләндерү өчен акча җыеп бирде. 650 мең сум күләмендә акча PrivateClub резидентларының очрашуында җыелган иде. Аерым алганда, РФ Мөселман эшмәкәрләре ассоциациясе президенты Айдар Шаһимәрданов PrivateClub резидентларыннан җыелган 200 мең сум күләмендәге хәйрия акчасын Яшел Үзән районының Яңа Тура авылында төзелә торган мәчеткә тапшырды. Әлеге мәчет имамы Фәнис хәзрәт Йосыпов Айдар Шаһимәрдәновка һәм битараф булмаган мөселман эшмәкәрләренә ярдәм өчен рәхмәт белдерде. 450 мең сум акча исә Яшел Үзән районының Каратмән мәчетен төзекләндерүгә җибәрелде.