Әлмәт мөхтәсибәте тарафыннан Габдрахман авылының спорт-сәламәтләндерү комплексында мөселман командалары арасында алкалы хоккей буенча республикакүләм турнир узды. Ярышларда Казан, Чаллы, Әлмәт, Түбән Кама, Кукмара һәм Арча шәһәрләреннән алты команда катнашты. Турнир нәтиҗәләре буенча өч призер ачыкланды: беренче урында – Чаллы командасы, икенче урында – Кукмара, өченчедә – Әлмәт. Барлык призерлар символик статуэткалар, дипломнар һәм акчалата призлар белән бүләкләнде.
