Мөселман эшмәкәрләре Ассоциациясенең утырышы булып үтте

2012 елның 11 гыйнварында ТР мөселманнары Диния нәзарәтендә мөселман эшмәкәрләре Ассоциациясенең утырышы булып үтте. Үткәрелгән чара бизнес вәкилләрен генә түгел, киң җәмәгатьчелекне дә җәлеп итте. Мөселман эшмәкәрләре ассоциациясе рәисе Радик Гафуров билгеләп үткәнчә, әлеге берләшмә ислам кануннары буенча бизнес алып баручы яисә алып барырга теләкләре булган эшмәкәрләрне берләштерү һәм алар өчен бердәм мәгълүмати мәйданчык барлыкка китерү максатыннан оешкан. Ассоциация эшчәнлеге татарстанлыларны гына түгел, Себер, Мәскәү, Ульян, Самара өлкәләрендә дә зур кызыксыну уятты.