“Рисалә” китаплар белән тәэмин ителде

Россия ислам институты, килешү буенча, Түбән Кама шәһәрендәге “Рисалә” мәдрәсәсе шәкертләрен уку әсбаплары белән тәэмин иткән. Вәгъдә ителгән китапларның әлегә бер өлеше генә кайтса да, булганнарын инде шәкертләрнең кулларына тапшырып, уку-укыту барышында куллана башладык, ди мәдрәсә директоры Рәфыйк хәзрәт Исламгалиев. Гакыйдә, фикһ, хәдисләр, Коръән фәннәре һ.б. китаплар саны тиздән ишәер дип көтелә.