Тимераякта шуу ярышлары

15 гыйнварда Диния нәзарәте Казан шәһәрең Вахитов районында урнашкан 41нче номерлы мәктәбендә мөселман яшьләре арасында тимераякта шуу буенча ярышлар үткәрде. Бәйгедә Казанның «Мәрҗани», «Солтан», «Рамазан», «Әҗем», «Ал», «Кабан арты», «Фәрхәд», «Әниләр», «Салихҗан», «Борнай», «Өметлеләр», «Ризван» мәчете командалары, шулай ук РИУ студентлары, Ислам динен кабул итүгә 1000 ел исемендәге мәдрәсә шәкертләре катнашты. Нәтиҗәдә, беренче урынга Ислам динен кабул итүгә 1000 ел исемендәге мәдрәсәнең 2 нче курс Рамил Гыйлманов лаек булды. Икенче һәм өченче урыннарда – «Кабан арты» мәчете командасы вәкилләре Айназ Зарипов һәм Булат Насыйбуллин. Җиңүчеләргә дипломнар, медальләр һәм истәлекле бүләкләр тапшырылды.