«Мөселман яшьләре берлеге» юстицияләр Министрлыгында теркәлде

2011 елның 16 декабрендә “Мөселман яшьләре берлеге” иҗтимагый оешмасы ТРның юстицияләр Министрлыгында регистрация үтте. Әлеге берләшмәнең төп максаты:  мәдәни һәм традицион ислам кыйммәтләре нигезендә мөселман яшьләрен тәрбияләү; мөселман яшьләре өчен файдалы ял итү урыннары оештыру; яшьләр арасында ватанпәрвәрлек һәм югары әхлак кыйммәтләрен, сәламәт тормыш рәвешен пропагандалау;  яшьләрне иҗтимагый эшчәнлеккә тарту һәм РФнең җаваплы һәм югары әхлакка ия булган гражданнары дәрәҗәсенә ирешергә булышу. “Мөселман яшьләре берләшмәсе”нең президенты буларак Рүзәл Әхмәдиев билгеләнде.