Ислам мәдәнияте музеенда чираттагы очрашу

5 мартта  Ислам мәдәнияте музее хатын-кызларга багышланган сөйләшү уздырды. Әлеге чара музейның яшьләр клубы очрашулары кысаларында үтте. Сөйләшүдә мөфтинең беренче урынбасары Рөстәм хәзрәт Батыр ислам диненең хатын-кызларга карата булган мөнәсәбәтен аңлатты.  Хәзрәт хатын-кызның дәрәҗәсе исламда бик югары булуы хакында әйтте.  “Аллаһы Тәгалә нәкъ менә хатын-кызларга ана булу вазыйфасын биргән. “Әгәр дә җәннәт җиренә кагалырга теләсәң, әниеңнең аяк астындагы җирне үп”, - дигән сүзләр бар. Ислам әниләрне, хатын-кызларны хөрмәт итәргә, сакларга, якларга өйрәтә”, - дип сөйләде Рөстәм хәзрәт.