Бөгелмә районының үзәк мәчетендә мөселман балалары өчен “Сәлам” исемле язгы лагерь эшли башлады. Күркәм традициягә әверелгән бу чарада 40 якын бала җыелды. Программага ислам нигезләрен, Коръән укырга өйрәнү, әхлак һәм тәрбия темасына кызыклы лекцияләр кертелгән. Монардан тыш оештыручылар балалар өчен мәдәни-күңел ачу чаралар, кызыклы шәхесләр белән очрашулар да әзерләгән.
