Мөфти Авыл хуҗалыгы хезмәткәрләре көне чарасында катнашты

Бүген, сәфәр аеның 21-нче көнендә (8-нче октябрьдә), Татарстан мөфтие Камил хәзрәт Сәмигуллин Авыл хуҗалыгы хезмәткәрләре көнен бәйрәм итү кысаларында узган чарада катнашты. Әлеге вакыйгага багышланган бәйрәм бүген «Казан Экспо» халыкара күргәзмәләр үзәгендә узды, анда республика авыл хуҗалыгы тармагының иң яхшы белгечләре – игенчеләр, терлекчеләр, механизаторлар, фермерлар, район җитәкчеләре, тармак ветераннары катнашты.