Россия мөфтиләр шурасының социаль-хәйрия һәм рухи-мәгърифәтчелек эшчәнлеге буенча департаменты һәм Мәскәү шәһәре мөселманнары диния нәзарәте “Йөрәкләр тугрылыгы” («Верность сердец») дип аталган зур чара уздырды. Мәскәүнең Музыка йортында үзенчәлекле китап ярминкәсе оештырылды. Әлеге чарада ТР МДНнең “Хузур” нәшрият йорты да катнашты. Биредә Мәскәү укучыларына нәшрият чыгарган китаплар тәкъдим ителде.
