Бүген, 22нче мартта, Казанда РФ Мөселман эшмәкәрләре ассоциациясенең хәйрия фонды Бөтендөнья Даун синдромы булган кешеләр көненә багышлап хәйрия чарасы уздырды. Бу уңайдан 50дән артык кеше – Татарстан мөфтиятенең “Зәкят” хәйрия фонды карамагында тәрбияләнүчеләр “Гудвин” уен бүлмәсенә җыелды. Алар өчен мавыктыргыч программа: крио шоу, фуршет, уен бүлмәсендә шөгыльләнү, шулай ук кызыклы вәгазь оештырылды.
