Хәзерге җәмгыятьтә толерантлык мөнәсәбәтләре

2012 елның 3 февралендә көньяк-көнчыгыш регионы казые Марат хәзрәт Мәрданшин Ютазы районының шәһәр тибындагы Урыссу поселыгы татар гимназиясе укучылары белән очрашты. Очрашу “Хәзерге җәмгыятьтә толерантлык мөнәсәбәтләре” дигән темага багышланды, шулай ук аралашу әдәбе мәсьәләләренә дә аерым тукталдылар. Марат хәзрәт укучыларны сөйләшү барышында әңгәмәдәшеңне дикъкать белән тыңларга, аңларга, бер-береңне ихтирам итәргә чакырды. Бер-береңә карата сабырлык күрсәтү бик тә әһәмиятле, диде. Толерантлык халыклар арасында гына түгел, социаль төркемнәр арасында да, башка мәдәният, милләт, дин һәм социаль төркемнән булган кешеләр белән уртак тел табарга да ярдәм итә.