1 июньнән Актаныш районы Күҗәкә, Чуракай, Татар Суксуы, Яңа Кормаш, Чалманарат авыллары мәчетләрендә ир һәм кыз-балалар өчен көндезге лагерьлар эшли башлады. Районда йөзләгән бала Рамазан Шәриф ае алдыннан китабыбыз Коръән Кәримне укырга өйрәнәләр, дип хәбәр иттеләр Актаныш мөхтәсибәтеннән. Балаларга дини сабаклар укыту белән бергә әдәп-әхлак турында да өйрәтәләр, төрле уеннар да оештыралар.
